العودة   منتدي المـقـــاودة اون لايـن > منـــــــتدى الادبـــــــــ و الـــفـنــــــون > شعـــر واغانى (كلمات الاغانى والقيديوهات)
شعـــر واغانى (كلمات الاغانى والقيديوهات) شعـــر واغانى (كلمات الاغانى والقيديوهات)


شاعرنــا محمـد علي ابو قطــاطــي

شعـــر واغانى (كلمات الاغانى والقيديوهات)


إضافة رد
قديم 12-06-2010, 09:09 AM رقم المشاركة : 1
معلومات العضو

الصورة الرمزية زهرة البنفسج
إحصائية العضو






 

زهرة البنفسج غير متواجد حالياً

 


المنتدى : شعـــر واغانى (كلمات الاغانى والقيديوهات)
افتراضي شاعرنــا محمـد علي ابو قطــاطــي

شاعرنا السوداني محمد علي ابو قطاطي شفاه الله من المرض الذي ألم به شاعر فذ امتاز بالشعر الشعبي البسيط في مفرداته ومعانيه الصعب في تقليده فهو صاحب الشعر السهل الممتنع أغنياته الأولى كانت بالرق لأنه كان هو شكل الأداء في تلك الحقبة أي في الخمسينيات والأغاني تبثها الإذاعة على الهواء لانعدام أجهزة التسجيل. والفنانون الذين تغنوا له في بداياته هم: بابكر حمد- علي أبو الجود- حسن بدير- أولاد شمبات- خالد اسماعيل. ويقول أبو قطاطي ان شعوره ساعتها لا يوصف وهو يسمع اسمه يتردد عبر الاذاعة الأم.. وللمرأة في حياته مكانة مقدرة فهي ملهمته التي تدفعه ليكتب الشعر وكل قصيدة كتبها لها مناسبتها الخاصة فهو عاشق للجمال أعطى كلماته ملحنة لبعض المطربات وهم الرحمة مكي- فاطمة الحاج- مني الخير.
تغني له الفنان الكبير محمد وردي ببعض الكلمات ومن اشهرها المرسال / سواة العاصفة بساق الشتيل الني / شن بتقولو/ وغيرها لم تسعفني الذاكرة الان في ذكرها

واليكم كلمات بعض ما كتب شاعرنا وتغني به وردي ونبدأ ب
المرسال
مسكين البدا يأمل
أملو يغلبو تحقيقه
والعاشقة جفا المعشوق
الليلة وا سهرو ونشاف ريقو

امش قول ليهو ياالمرسال
عساه يراعي ملهوفو
حبيبك و بي وراك
جارت عليهو وخانتو ظروفو
فقد صبرو شرد نومو
لهيب الشوق خنق جوفو
نحول جسمو شحوب لونو
براك أحسن تعال شوفو
مسكين .. مسكين

براي السويتا في نفسي
قلبي الحب ما واعي
عشق زولا مجافيهو
وما كان للحصل داعي
اقول اتناسي حبو يزيد
تزيد بالتالي أوجاعي
طريق الحب مشيت فيهو
تعذر تاني ارجاعي
مسكين .. مسكين

خطاباتي البوديها
تقول لا بتمشي لا حاجة
وديت ليهو زول مرسال
والمرسال مشى وما جا
بقيت انا والنجوم بالليل
سوا نساهر ونتناجى
والناس اللي كانو سبب
رموني وبقو فراجة
مسكين .. مسكين










التوقيع

رد مع اقتباس
قديم 12-06-2010, 10:25 AM رقم المشاركة : 2
معلومات العضو

الصورة الرمزية نيلوفر
إحصائية العضو






 

نيلوفر غير متواجد حالياً

 


كاتب الموضوع : زهرة البنفسج المنتدى : شعـــر واغانى (كلمات الاغانى والقيديوهات)
افتراضي

بالجد إختيار موفق وزوقك عالي كأخلاقك

وياريت يكون بوست للتوثيق له

وح أبدأ:

تكريم للجدارة
لقد منح الشاعر محمد علي أبو قطاطي نوط الجدارة في مهرجان
الثقافة في العام 1980م من قبل الرئيس الاسبق جعفر نميري
ووسام الجمهورية من جمهورية كوريا في العام 1982م
من رئيس كوريا كيم ايل سونغ
وكرمته العديد من الجهات دار فلاح للغناء الشعبي- وزارة الثقافة







التوقيع

بـــعض الرحـــــــــــــيق000أنـــــــــــــــــا

رد مع اقتباس
قديم 12-06-2010, 10:36 AM رقم المشاركة : 3
معلومات العضو

الصورة الرمزية نيلوفر
إحصائية العضو






 

نيلوفر غير متواجد حالياً

 


كاتب الموضوع : زهرة البنفسج المنتدى : شعـــر واغانى (كلمات الاغانى والقيديوهات)
افتراضي

سوات العاصفة

الشاعر محمـد علـي أبو قطاطـي
الفنان محمد وردي


سوات العاصفة بي

ساق الشتيل الني
وفعل السيل وقت يتحدر
يكسح ما يفضل شي
دا كان حبك وقت حسيتو
وشفت الدنيا دارت بي





وقت شفتك ..

شعرت الرعشة من صوف رأسي
لي كرعي
ومن الساعة ديك يا السمحة
ولع فيني جمر الغي
كتمت الريدة ما شافوها
ناس الحي
وقلت الجنة إنشاء الله
ما يقسن دروبها علي


ونجم الليل

منو العداهو غيري
وزاد في حسابو شوي
وسافر بي خيالو هناك
صنقر فوق سحاب الري
بنيت في الموج قصور آمال
ومديت للرهاب إيدي
وشديت سرجي فوق الريح
عشان ألقاك
بدور أطوي المسافات طي


صعيب وصفك

لأنك هالة كلك ضي
وفوقك هيبة وأجمل قامة
واسمح زي
جمالك في البنات معدوم
شبيهك ما كحل عيني


أقدلي ..

وسكتي الخشامة
وأنزلي في العواذل كي







التوقيع

بـــعض الرحـــــــــــــيق000أنـــــــــــــــــا

رد مع اقتباس
قديم 12-06-2010, 10:47 AM رقم المشاركة : 4
معلومات العضو

الصورة الرمزية نيلوفر
إحصائية العضو






 

نيلوفر غير متواجد حالياً

 


كاتب الموضوع : زهرة البنفسج المنتدى : شعـــر واغانى (كلمات الاغانى والقيديوهات)
افتراضي

الناس القيافة
للشاعر محمد على ابوقطاطى
في الناس القيافة حبينا اللطافة
في دروب المحبة فتنا بعيد مسافة
**********
شفنا خدود نديه جذابة وهنيه
شاقتنا ابتسامة وطلعة ملائكية
الوجنات بتشبه ازهار موسمية
والخصر المضمر والخامة الطرية
************
شفنا عيون كحيلة فتانه وجميلة
تعبانين نراها ونجري سنين طويلة
لا خلينا ريده ولا بكينا حيلة
نطمع في لقاها وغالبانا الوسيلة
************
نظراتا كاتلانا وبرموشا اسرانا
حبيناها نحن ودرنا الموت برانا
كم نحن الحبايب منتظرين حنانا
الارواح تشابي وتتلهف عشانا






التوقيع

بـــعض الرحـــــــــــــيق000أنـــــــــــــــــا

رد مع اقتباس
قديم 12-06-2010, 01:19 PM رقم المشاركة : 5
معلومات العضو

الصورة الرمزية نيلوفر
إحصائية العضو






 

نيلوفر غير متواجد حالياً

 


كاتب الموضوع : زهرة البنفسج المنتدى : شعـــر واغانى (كلمات الاغانى والقيديوهات)
افتراضي

الأماني العذبة
الشاعر محمد علي ابوقطاطي
الفنان خليل إسماعيل

بكرة يا قلبى الحزين تلقى السعاده
تبقي هانى وابتساماتك معاده
والسرور يملأ حياتي ويبقى ذاتها
وعينى تشبع نوم بعد ما طال سهادا
.................................................. ..
وانسي غلبى ..
والرياحين تملأ دربى
وامسح الدمع البسيل يملأ الوساده
.................................................. ..
كم سهرت الليل بكرة يا قلبى الحزين تلقى السعاده
تبقي هانى وابتساماتك معاده
والسرور يملأ حياتي ويبقى ذاتها
وعينى تشبع نوم بعد ما طال سهادا
.................................................. ..
وانسي غلبى ..
والرياحين تملأ دربى
وامسح الدمع البسيل يملأ الوساده
.................................................. .
كم سهرت الليل
وكم سالت دموعى
والالم فى قلبى اصبح شئ طبيعى
والشباب افنيتو ابحث عن وجيعى
عشت راهب .. بين تراتيلى وخشوعى
.................................................. .
بكرة تتحقق امانى
والفؤاد يرتاح ويتجدد زمانى
والسعاده …
تكون جزاء صبرى وصنيعى
الامانى العذبه تتراقص حيالى
والامل بسام يداعب فى خيالي
حلمى بكرة … وذكرى ايامى الخوالى
وكم سالت دموعى
والالم فى قلبى اصبح شئ طبيعى
والشباب افنيتو ابحث عن وجيعى
عشت راهب .. بين تراتيلى وخشوعى
.................................................. ...
بكرة تتحقق امانى
والفؤاد يرتاح ويتجدد زمانى
والسعاده …
تكون جزاء صبرى وصنيعى
الامانى العذبه تتراقص حيالى
والامل بسام يداعب فى خيالي
حلمى بكرة … وذكرى ايامى الخوالى






التوقيع

بـــعض الرحـــــــــــــيق000أنـــــــــــــــــا

رد مع اقتباس
قديم 12-06-2010, 01:34 PM رقم المشاركة : 6
معلومات العضو

الصورة الرمزية نيلوفر
إحصائية العضو






 

نيلوفر غير متواجد حالياً

 


كاتب الموضوع : زهرة البنفسج المنتدى : شعـــر واغانى (كلمات الاغانى والقيديوهات)
افتراضي

الشاعر محمد علي ابو قطاطي
والفنان زكي عبد الكريمأسأل نفسك بينك و بينها
اسال نفسك بينك وبينها، عن اخلاصنا
ليه تتجاهل شـوقنا البينا
**********
انت نسيت ايام ما كنا
نعيش الحب فى عهدو الاول
ياما كتير وكتير فكرنا
وكنا بنحلم بالمستقبل
لكن فجأة بديت تتنكر
وعن ريدتنا بقيت ما بتسأل
قلبك رغم الطيبة الفيه
انا بستغرب كيف اتبدل
*********
فاكر الكلمة القلتها لى
وانت فى لحظة هنية سعيدة
اتعاهدنا على الحنــــــية
ونقضى عمرنا محبة شديدة
ما قلت بريدك زى عيني
وانا صدقت كلام الريدة
عارفه قلبك وافى ومخلص
وانك تقسى دى حاجة بعيدة
*********
راجع نفسك ما تكون جاير
وخلى حياتنا تعود لهناها
ماتحطم بى ايدك نفسى
والامال القلبى بناهــــــــا
مهما قسيت انا برضى بحبك
وساعة عطفك بستناها
ومهما يزيد المى وحرمانى
برضى سعادتك بتمناها






التوقيع

بـــعض الرحـــــــــــــيق000أنـــــــــــــــــا

رد مع اقتباس
قديم 12-06-2010, 01:50 PM رقم المشاركة : 7
معلومات العضو

الصورة الرمزية زهرة البنفسج
إحصائية العضو






 

زهرة البنفسج غير متواجد حالياً

 


كاتب الموضوع : زهرة البنفسج المنتدى : شعـــر واغانى (كلمات الاغانى والقيديوهات)
افتراضي


تشكري نيلوفر علي مرورك الرائع دوما روعة روحك الطيبة وما قصرتي في مساهماتك في هذا البوست ولكم هذه:
شن بتقولوا
في الفرح البعذب سيدو
و الريد البضيع زولو

في السال دمعو يبكي قتيلو
في الشايل هموم الناس
همو العندو غالبو يشيلو
في الما راضي بالحرمان
ولا راضي الحنان يمشيلو

ياما قالوا
نية الزول دليل أعمالو
والداير يفوز بحبيبو
مرات مابتتم آمالو
والبتفائل يلقى الريد
مالو الريد بعاكس حالو

في دنيانا
نحن نعيش ما همانا
لما تفوتنا لحظة جميلة
أجمل لحظة تستنانا
الحبان نشيل نديهم
أجمل ريده ما أحلاها







التوقيع

رد مع اقتباس
قديم 12-07-2010, 06:43 AM رقم المشاركة : 8
معلومات العضو

الصورة الرمزية النذير حسن
إحصائية العضو






 

النذير حسن غير متواجد حالياً

 


كاتب الموضوع : زهرة البنفسج المنتدى : شعـــر واغانى (كلمات الاغانى والقيديوهات)
افتراضي

هل تصدقي يا زهرة بنفسجية وهل تصدقي يا وردة بيضاء إني كنت فاكر إنو الأشعار الجميلة الفوق دي من كلمات اسماعيل حسن الذي ارتبط اسمه بالامبراطور وردي؟؟ والله ما كنت عارف انو في البلد دي العباقرة كتااااااااار وأبو قطاطي بهذه الدرر يستحق ان يكتب في سجل الكبار والكبار جداً فالتحية له والتحية لك يا امتثال على اختيارك الجميل وتحية لرفيقة دربك ايمان التي أثرت البوست،،وهاكم دي كمان من إحدى روائع أبوقطاطي (وهي منقولة بالضروري!):
الفينا مشهودة



الفينا مشهودة عارفانا المكارم أنحنا بنقودا
والحارة بنخوضا

الزول بفتخر يباهي بالعندو
نحن أسياد شهامة والكرم جندو
ما في وسطنا واحداً ما انكرب زندو
البعجز بيناتنا بنسندو
الليلة بنخوضا

ركابين عليهو الناصع أب غرة
نتباشر وقت نلقى الكلام حرة
ما بننفز يمين إن متنا فد مرة
الخواف ما حر منو نتبرا
الليلة بنخوضا

للجار والصديق عشرتنا تتمنى
بنصون الأمانة السيدا أمنا
المغرور ندوسو ونعدموا الطنة
شافعنا بيرى الموت في الركاب سنة






التوقيع

النذير حسن محمد أحمد كدي

رد مع اقتباس
قديم 12-07-2010, 10:21 AM رقم المشاركة : 9
معلومات العضو

الصورة الرمزية زهرة البنفسج
إحصائية العضو






 

زهرة البنفسج غير متواجد حالياً

 


كاتب الموضوع : زهرة البنفسج المنتدى : شعـــر واغانى (كلمات الاغانى والقيديوهات)
افتراضي

تسلم يا النذير علي هذه الاضافة وقبل ايام قلائل كان هنالك لقاء مع شاعرنا ابو قطاطي بقناة قووون التلفزيونية وكان قمة في الابداع وهو يلقي كلماته بكل اريحية وهو مستلقي علي فراشه
فدعواتنا له جميعا بالشفاء التام
ودمت سالما اخي النذير






التوقيع

رد مع اقتباس
قديم 12-08-2010, 06:50 AM رقم المشاركة : 10
معلومات العضو

الصورة الرمزية زهرة البنفسج
إحصائية العضو






 

زهرة البنفسج غير متواجد حالياً

 


كاتب الموضوع : زهرة البنفسج المنتدى : شعـــر واغانى (كلمات الاغانى والقيديوهات)
افتراضي

اكتشاف شاعريته

في بدايته كان يكتب شعر قومي قصائد للأهل والوطن على شكل المربعات "دوبيت" وكان يعطي أشعاره هذه الى برنامج "مجادعة بالدوبيت" في اذاعة أم درمان واخرى ارسلها للنشر في جريدة "الصراحة" لصاحبها عبد الله رجب الذي شجعه في الإستمرار في الكتابة للاذاعة، وبعد ذلك التقي بالشاعر عمر البنا الذي يعتبره المكتشف الأول لشاعريته بعد ان ألقى على مسامعه العديد من القصائد ومن هنا كانت نقطة التحول من الدوبيت الى الشعر الغنائي، وطلب منه ان يأتي اليه في منزل على حامد البدوي بحي القلعة ليلاً ليقدمه الى بعض الشعراء، وبالفعل ذهب إلا ان احدهم ازدري به ونهره قائلاً "يا ولد أطلع بره" فتصدى له عمر البنا وقال له هذا شاعر "نجيض" وضماه الى رابطة الأدب القومي بالسودان ومنذ ذلك الوقت صار يكتب الشعر دون توقف.






التوقيع

رد مع اقتباس
قديم 12-08-2010, 08:19 AM رقم المشاركة : 11
معلومات العضو

الصورة الرمزية انبابتود
إحصائية العضو






 

انبابتود غير متواجد حالياً

 


كاتب الموضوع : زهرة البنفسج المنتدى : شعـــر واغانى (كلمات الاغانى والقيديوهات)
افتراضي

مشكوره امتثال على تسليط الضوء على شاعر لا يشق له غبار






التوقيع

مع تحيات
عبدالحفيظ محمد احمد

رد مع اقتباس
قديم 12-09-2010, 06:45 AM رقم المشاركة : 12
معلومات العضو

الصورة الرمزية زهرة البنفسج
إحصائية العضو






 

زهرة البنفسج غير متواجد حالياً

 


كاتب الموضوع : زهرة البنفسج المنتدى : شعـــر واغانى (كلمات الاغانى والقيديوهات)
افتراضي

تعامل شاعرنا مع عدد من الفنانين وعلى سبيل المثال لا
الحصر هم: عبد الماجد خليفة الذي جاء سعياً لكلماته من مدني
ليتغني بها، وتؤام روحه كما يحلو له ان يسميه الفنان الراحل خليل
اسماعيل الذي حط رحاله بدار أبو قطاطي وقاسمه السكن عندما
جاء من مدينة الأبيض، ومن أشهر ما تغنى به لشاعرنا - الأماني
العذبة- بسحروك- وتوسعت دائرة تعاملاته الشعرية الغنائية لينضم ا
ليه ابن البادية في تساؤل محب كادت الحيرة ان تقتله ليتغنى بأغانيه
– يا ربي هل طاريني قلبو - وبعد أن ذاع صيته تعرف على محمد وردي
الذي كان طالباً بالمعهد العالي للموسيقى وزاره في مقر عمله
بالهيئة القومية للمياه وكان لقاء السحاب الذي أمطر علينا والساحة
الفنية فناً راقياً في – الناس القيافة والمرسال وشن بتقولوا - والى
الآن مازالت قريحته الشعرية تجود بدرر الكلمات وله دواوين شعرية
نذكر منها --نوادر وحكايات – درب المحبة- الفينا مشهودة- ناس أم
درمان-






التوقيع

رد مع اقتباس
قديم 12-09-2010, 10:22 AM رقم المشاركة : 13
معلومات العضو

الصورة الرمزية نيلوفر
إحصائية العضو






 

نيلوفر غير متواجد حالياً

 


كاتب الموضوع : زهرة البنفسج المنتدى : شعـــر واغانى (كلمات الاغانى والقيديوهات)
افتراضي

توثيق جميل لزول اجمل

له منا دعوات الصحه والعافيه

ولك الشكر الانيق







التوقيع

بـــعض الرحـــــــــــــيق000أنـــــــــــــــــا

رد مع اقتباس
قديم 12-10-2010, 06:27 AM رقم المشاركة : 14
معلومات العضو

الصورة الرمزية أحمد حسين عبدالقادر
إحصائية العضو






 

أحمد حسين عبدالقادر غير متواجد حالياً

 


كاتب الموضوع : زهرة البنفسج المنتدى : شعـــر واغانى (كلمات الاغانى والقيديوهات)
افتراضي

أبو قطاطي ... أحد رموز الإبداع في البلد و كلماته بسيطة معبرة و ندية و الأستاذ وردي يصرعلى أن أغنية سوات العاصفة من أجمل الكمات التي تغنى بها ...







التوقيع

تَجينى
معاكْ يجينى زمن
أمتِّع نفسى بالدهشَهْ
رد مع اقتباس
قديم 12-10-2010, 02:34 PM رقم المشاركة : 15
معلومات العضو

الصورة الرمزية نيلوفر
إحصائية العضو






 

نيلوفر غير متواجد حالياً

 


كاتب الموضوع : زهرة البنفسج المنتدى : شعـــر واغانى (كلمات الاغانى والقيديوهات)
افتراضي

بالجد سوات العاصفه من اجمل ما تغني وما سمعت

مشكورة مثو ومعى من أجل التوثيق له







التوقيع

بـــعض الرحـــــــــــــيق000أنـــــــــــــــــا

رد مع اقتباس
إضافة رد

مواقع النشر (المفضلة)

« الموضوع السابق | الموضوع التالي »
الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


Loading...


Powered by vBulletin® Version 3.8.7
Copyright ©2000 - 2014, Jelsoft Enterprises Ltd. TranZ By World 4Arab
© جميع الحقوق محفوظة لموقع المــقاودة اون لاين